Að styrkja fjölskyldur sem glíma við veikindi
Vor- og haustönn 2019
Bókhald fyrir einyrkja og aðila með smærri rekstur
Námskeiðið er ætlað einyrkjum eða verktökum með smærri rekstur sem vilja sjá um eigið bókhald. Námskeiðið er verklegt og er unnið í bókhaldskerfinu DK. Námskeiðið er fyrir byrjendur og þá sem vilja aukinn skilning og aukna færni við bókhaldsvinnu.
Farið verður yfir atriði í lögum og reglugerðum sem snúa að bókhaldi, útgáfu reikninga sem og virðisaukaskatti og tekjuskatti. Þá verður farið yfir tilganginn með færslu bókhalds og grunnatriði við bókhaldsvinnu og afstemmingar útskýrð. Einnig verður farið yfir utanumhald um viðskiptakröfur (skuldunauta) og lánadrottna og uppgjör virðisaukaskatts. Að lokum verður fjallað um frágang bókhalds til yfirferðar skoðunarmanns.
Lengd: 20 klst. Kennsla fer fram einu sinni í viku í fimm vikur 4 klst. í senn
Verð: 35.000
Kennari löggiltur endurskoðandi
Fyrirtækjum er bent á www.attin.is þar sem hægt er að sækja um fyrirtækjastyrki sem eru allt að 75% niðurgreiðsla þátttökugjalda.
Endurmenntun atvinnubílstjóra
Viska og Framvegis bjóða upp á námskeið ætluð atvinnubílstjórum.
Námskeiðin fara fram í húsnæði Visku, Ægisgötu 2, nema annað sé tekið fram.
Hægt er að skrá sig með því að hringja í síma 488 01100 eða með því að senda tölvupóst á viska@viskave.is
Námskeiðin verða haldin í lok apríl og maí ef næg þátttaka næst.
Hverjir þurfa að sækja endurmenntun?
Bílstjóri sem ekur stórri bifreið í ökuréttindaflokki D1 og D til farþegaflutninga í atvinnuskyni og í flokki C1 og C til vöruflutninga í atvinnuskyni skal sækja 35 kennslustunda endurmenntun á 5 ára fresti. Þeir bílstjórar sem fengið hafa réttindi sín fyrir 10. september 2013 þurfa að klára endurmenntun fyrir 10. september 2018. Hinir og reyndar allir sem endurnýja ökuskírteinið sitt með þessum flokkum eftir þann tíma þurfa að hafa klárað endurmenntun innan 5 ára.
Hverjir þurfa ekki að sækja endurmenntun?
Þeir bílstjórar sem aka aðeins í eigin þágu og eru ekki í flutningum gegn gjaldi, þurfa ekki að sækja endurmenntun frekar en þeir vilja. Þeir fá því ekki tákntöluna 95 og endurnýja ökuréttindi í flokkum C1, C, D1 og D án endurmenntunar sem gefur réttindi til að aka án gjaldtöku. Þeir bílstjórar geta alltaf endurvakið atvinnuréttindin með því að sækja endurmenntun og endurnýja ökuskírteinið með tákntölunni 95.
Endurmenntunin skiptist í þrjá hluta:
Kjarni: (21 kennslustund) . Vistakstur – öryggi í akstri, lög og reglur og umferðaröryggi – bíltækni. Allir verða að taka kjarna.
Valkjarni: (7/14 kennslustundir). Farþega- og vöruflutningar. Bílstjóri sem er bæði með réttindi til farþega- og vöruflutninga í atvinnuskyni hefur val um hvorn hluta valkjarnans hann tekur en hann má líka taka báða. Bílstjóri sem eingöngu er með réttindi til farþegaflutninga í atvinnuskyni verður að taka farþegaflutningahlutann og bílstjóri sem eingöngu er með réttindi til vöruflutninga verður að taka vöruflutningahlutann.
Val: (7 kennslustundir). Í vali getur bílstjóri sótt sérhæft námskeið sem varðar starf hans og fellur efnislega undir námskrá Samgöngustofu fyrir flokka aukinna ökuréttinda frá janúar 2005. Sérhæft námskeið í vali skal viðurkennt af Samgöngustofu.
Réttindin eru gefin til kynna með tákntölunni 95 og er lok gildistíma sett í sviga aftan við tákntöluna. Talan gildir í öllum ríkjum innan Evrópska efnahagssvæðisins og veitir bílstjóra aðgang að atvinnumarkaði bílstjóra í þessum ríkjum. Ríkjunum er einnig heimilt að nota sérstök atvinnuskírteini með mynd af rétthafa í stað eða ásamt tákntölunni. Skylda til endurmenntunar nær til allra sem halda réttindum til að aka bifreiðum í atvinnuskyni í þessum flokkum.
Er gaman að vinna með mér?
Vor- og haustönn 2019
Grunnnámskeið fyrir almennt starfsfólk í veitingasal
Markmið námskeiðs:
- Skerpa á vinnubrögðum í veitingasal óháð starfsreynslu starfsfólks.
- Yfirfara samstarf og verklag hjá starfsmannahópnum í heild í samræmi við staðla fyrirtækisin.
- Kenna og leiðrétta verklag og taka umræðu um vinnubrögð sem ekki er alltaf tími fyrir á vinnutíma.
- Auka sölu, benda á sölutækifæri og ítreka mikilvægi þjónustuþátta.
Efni námskeiðs:
Góð heildaryfirferð á þáttum sem starfsmaður í veitingasal þarf að þekkja, ábyrgð hans og samstarf við aðra starfsmenn, framkoma, hreinlæti og erfiðir viðskiptavinir. Áhersla á sölu- og þjónustuþáttinn sem lykil að ánægju viðskiptavinar og hvernig hann skilar sér til starfsfólks. Farið yfir fimm þrepa ferli sem allir viðskiptavinir ganga í gegnum og mikilvæga snertipunkta þess.
Verkleg yfirferð á verklagi og notkun verkfæra í sal og bar, svo sem bakkanotkun, diskaburður, dekking og hreinsun. Þessi hluti miðar að þjónustustigi viðkomandi veitingastaðar.
Lengd:
Eitt skipti í samtals 3 klukkustundir.
Fjöldi:
Hentugur fjöldi er nálægt 10 og hámark er 15 þátttakendur.
Eftirfylgni:
Veitingamenn fá staðfestingu á að námskeið hafi farið fram og hverjir tóku þátt.
Einnig stutta samantekt á veikleikum og styrkleikum hópsins og hvaða áherslur væri
gagnlegt að skoða í framhaldi.
Námskeiðið verður haldið mánudag í mars áður en Landeyjahöfn opnar. Nánar auglýst síðar.
Fyrirtækjum er bent á www.attin.is þar sem hægt er að sækja um fyrirtækjastyrki sem eru allt að 75% niðurgreiðsla þátttökugjalda.
Meðferð matvæla – grunnur
Tími: 4 Október.
Móttaka hjartasjúklinga
Vor- og haustönn 2019
Námskeið í skyndihjálp
Námskeiðið er ætlað öllum þeim sem vilja læra skyndihjálp og endurlífgun með það markmið að öðlast færni og þekkingu í að veita nærstöddum aðstoð í bráðatilfellum.
Eftir að hafa setið námskeiðið fá þátttakendur viðurkenningu frá Rauða krossinum á Íslandi og velferðarráðuneytinu.
Mælt er með endurmenntun annað hvert ár. Námskeiðið er 8 klukkustundir eða 12 kennslustundir.
Tvö skipti mánudag og miðvikudag 4. og 6. desember kl. 17-21
Leiðbeinandi: Hildur Vattnes hjúkrunarfræðingur
Verð: 16.000 kr.
Nýttu verkfærakistu Google fyrir skjölin þín, myndir og samskipti
Sístækkandi hópur einstaklinga og fyrirtækja þarf að koma samskiptum sínum og gögnum fyrir í skýjunum í kjölfar aukinnar notkunar smartsíma og tafla þar sem geymslupláss er ekki kostur.
Risarnir þrír Apple, Microsoft og Google bjóða upp á lausnir á þessum vanda. Á þessu námskeiði öðlast þú grunnfærni í því að nota Google kerfið til að vinna, geyma og deila gögnum og upplýsingum.
Ef þú veist ekki hvað þú átt að gera við myndirnar þínar sem núna eru á símanum/töflunni, ef þú vilt deila skjölum á hraðan og einfaldan hátt, ef þú vilt spjalla og vinna í upplýsingum á sama tíma, ef þú vilt skipuleggja þig heima og í vinnu þá er þetta námskeið hannað fyrir þig.
Google býður uppá heila gullkistu verkfæra sem allt of fáir nýta sér. Kerfið er sveigjanlegt og einfalt í notkun og leysir margan nútímavandann eins og deilingar, samstarf og geymslupláss.
Á námskeiðinu förum við í
- Gmail sem fyrsta skref í átt að skýjunum.
- Drive sem er harði diskurinn þinn og geymslupláss í skýjunum.
- Google docs – hvar eru verkfærin og hvernig nýti ég þau í stað þess að vera bundin af office-pakka
- Hugmyndafræðina um deilingar og samvinnu í sameiginlegum upplýsingum og förum í gegnum verklegar æfingar.
- Að leysa vandamálið með myndirnar þínar á símanum/tölvunni með því að hlaða beint upp í drive eða Google myndir – geymdu og deildu eins og þig lystir.
Námskeiðið er byrjendanámskeið en ef þú hefur notað gmail í langan tíma og ekki kynnt þér önnur verkfæri Google ættir þú endilega að mæta.
Ávinningur þinn:
- Auðveldar flutning yfir í skýin.
- Þú öðlast grunnfærni í notkun Google meginverkfæra.
- Þú losnar við vesen í sambandi við geymslupláss og deilingar á efninu sem þú ert að taka upp á símann eða töfluna þína.
- Þú sparar óhemju tíma með nútímavinnubrögðum.
Fyrir hverja:
Fyrir einstaklinga, félagasamtök, fólk hjá fyrirtækjum og flest alla þá sem hafa áhuga á að læra að nýta sér verkfærakistu Google og auðvelda sér lífið. Námskeiðið er grunnnámskeið og miðað út frá byrjendum .
Aðrar upplýsingar:
Á námskeiðinu er blandað saman aðferðum við vinnu frá tölvu og snjallsíma (iphone). Útgangspunkturinn er vinna á tölvunni og því er ágætt ef þátttakendur hafa með sér tölvu með þráðlausu netkorti og að þeir hafi hlaðið niður Chrome vafranum sem vinnur best með Google.
Þátttakendur eiga að hafa skráð Gmail fyrir námskeiðið og hafa sett upp viðeigandi Apps (gmail, drive, dagatal, docs) á snjallsímann/tölvuna.
ATH. Þátttakendur geta fengið aðstoð við gmail skráninguna og að sækja Apps áður en námskeiðið hefst á námskeiðsdegi. Námsefnið er uppfært miðað við tækni og möguleika hverju sinni.
Leiðbeinandi er Bergþóra Þórhallsdóttir og fer kennsla fram í apríl . Tímasetning nánar auglýst síðar.
Sár og sárameðferð
Fjallað verður um líffræði húðar, gróningu sára, helstu tegundir sára, meðferð, umbúðir og eiginleika þeirra.
Verkleg kennsla í umbúðalögum. Farið í áhættuþætti sem tengjast blóðsmiti og loks fjallað um það hvernig andlegir þættir geta haft áhrif á bata sjúklings.
100% mætingarskylda og virk þátttaka á námskeiðinu
Leiðbeinandi: Linda Björnsdóttir hjúkrunarfræðingur á LSH
Tími: 1. des frá 8:15-15:45
Verð: 18.000 kr,-
Vélstjórn-Smáskipavélavörður – vélgæsla 750kw 12m og styttri
Vor- og haustönn 2019
Vinnuvélanámskeið
Vor- og haustönn 2019
Þunglyndi aldraðra
Fjallað verður um áhættuþætti fyrir þróun þunglyndis og hvernig hár aldur hefur áhrif á greiningu og meðferð. Hagnýtar leiðbeiningar verða veittar vegna starfs með þunglyndum öldruðum í heimahúsum annars vegar og á stofnunum hins vegar.
Eins verður fjallað um hvernig starfsfólk getur búið sig andlega undir álag sem fylgir umönnun mjög þunglyndra einstaklinga.
100% mætingarskylda og virk þátttaka á námskeiðinu
Leiðbeinandi: Líney Úlfarsdóttir sálfræðingur hjá Þjónustumiðstöð Laugardals og Háaleitis og á Droplaugarstöðum.
Tími: 12. janúar 2018
Verð: 13.000 kr